 |
| Photo c/o Precious Hearts Romances |
TITLE: My Lovely Delinquent (4661)
AUTHOR: Cranberry Laurel
FROM: Precious Hearts Romances
PAGES: 128
Nakilala ni Irish si Jeff noong panahong nuknukan pa siya ng pasaway sa eskuwelahang pinapasukan nila. Seatmate niya si Jeff—ang instant pero masungit na crush niya. Hindi naman nagtagal ay nabawasan ang pagiging masungit nito sa kanya. Dumating pa sa puntong naging tutor niya ito sa academics dahil tagilid ang grades niya. Si Jeff din ang dahilan kung bakit naisip niyang magbago.
Ngunit sadyang sinubukan si Irish ng tadhana. Nakulong siya at ang isang kaklase niyang lalaki sa loob ng CR ng eskuwelahan nila. Kagagawan iyon ng isang kaklase niya na nagseselos dahil sa atensiyong ibinibigay ni Jeff sa kanya. Noon lang niya nakitang nagalit nang matindi si Jeff. Pakiramdam niya ay nadurog nang pinong-pino ang puso niya. Sumabay pa roon ang problema niya sa pamilya kaya bigla siyang umalis ng bansa.
Maraming taon ang lumipas, bumalik si Irish sa Pilipinas. Dumalo siya sa high school reunion ng batch niya. At laking gulat niya nang agawin siya ni Jeff sa lalaking kasayaw niya. Bakit tila nagseselos ito? At bakit pakiramdam niya ngayon ay ito pa rin ang lalaking para sa kanya? Akala niya ay nabura na ito sa puso’t isipan niya. Mali pala siya. At mali rin pala ang pagkukumbinsi niya sa sariling anumang ugnayan mayroon sila ni Jeff noon ay bunga lang ng kanilang kabataan.
